नेपाली हास्यव्यङ्ग्य अनलाइन पत्रिका

मुख्या बैदार सुब्बा, फुटकर पसले, फूटपाथे समाती
भ्रष्टाचारी समाइम्, भनिकन तलका, छोड्दछौ माथि–माथि ।
लौ हाम्रो देश लुट्ने, अधम खतमका, बाघ–भालू समात
सत्ता भत्ता लिएरै, कमिसन पिउने, शीर्ष टुप्पी समात ।।१।।

दिन्छौ रे संविधानै भनिकन जसले, दिन्छ झन् भद्रगोल
पर्दामा छोपिएरै, मुलुक रकम ली, मोज गर्छन् अघोर ।
रोगीको नाच नाची, पर मुलुक पुगी, देशको कोश भाँची
यस्ता पापी र लोभी, खल जनजनमा, दण्ड गद्र्यौ समाती ।।२।।

योद्धाको रक्त बेची, पर मुलुक पुगी, बैङ्क खाता खुलाए
त्यस्ता छेदी समाती, रकम जति सबै, देश ल्याई बुझाए ।
मात्रै तल्ला र चल्ला, निमुख जनसँगै, बाघ–भालू समात ।
जो छन् यी भ्रष्ट नेता, खतम सचिवका, शीर्ष टुप्पी समात ।।३।।

धादिङ