नेपाली हास्यव्यङ्ग्य अनलाइन पत्रिका

चट्याङ मास्टर
कत्रो मिहिनेत गरी जनता यिनलाई संसद पठाउँछन्
घरि घरि यी फर्केर सडकमै आई कराउँछन्
आफैं संसद गरी भङ्ग सडक संसद बसाउँछन्
हाम्रा नेता किन यस्ता सडक धेर मन पराउँछन् ?

मेच टेबल भवन भित्र बस्नुपर्दा निदाउँछन्
भिड सडक देखेपछि, उफ्री उफ्री कराउँछन् !!
सिङ्गै देश चिसो पार्दै यिनले दुई चिज तताउँछन्
कहिले बगली तताउँछन् कहिले सडक तताउँछन् ।

सडकछाप यी नेता सडकबाटै उदाउँछन्
सडकमा सब बोलाएर तमासा खुब देखाउँछन्
चटकीले कमाए झैं सडकबाटै कमाउँछन्
सडक छाप यी नेता सडकमै खुब रमाउँछन् ।

बत्तिसपुतली, काठमाडौं