नेपाली हास्यव्यङ्ग्य अनलाइन पत्रिका

मलाई माया गर्नेहरू हतारमा भेटिँदैछन्
तिमीलाई माया गर्नेहरू बजारमा भेटिँदैछन् ।

यो दुर्भाग्य हुनसक्छ नेपालका जनताको
भ्रष्टाचारी शोषकहरू सरकारमा भेटिँदैछन् ।

जसले हिजो घात गर्यो सानो सम्झी अरुलाई
उनीहरू जिन्दगीको मझधारमा भेटिँदैछन् ।

युद्धकालमा बेपत्ता भै हराएका सपूतहरू
हिजोआज आफ्नै घरको संघारमा भेटिँदैछन् ।

स्कुल गा’को प्यारो छोरो साँझ घर नफर्किदा
केवल यहाँ बालबालिका समाचारमा भेटिँदैछन् ।

जहदा, नवलपरासी