नेपाली हास्यव्यङ्ग्य अनलाइन पत्रिका

“मायाको डोरी” भनेको ठिकै हो
डोरीले बाँध्छ, कस्छ, र फाँसीको फन्दा पनि डोरीबाट नै बन्छ !

“मायाको फूल” भनेको ठिकै हो
आज लहलहाउँदो, भोलि झरेर कुहिएको घिन लाग्दो !

“माया बस्यो” भनेको ठिकै हो
अब ऊ उठेर हिँड्न सक्दैन, थला परिहाल्यो नि !

“माया लाग्यो” भनेको ठिकै हो
रक्सि भन्दा चर्को लाग्छ, खुट्टा भुइँमा टेकिँदैन !

“माया जाल” भनेको ठिकै हो
यो फस्ने र फसाउने जालो हो, जालमा जो पर्यो त्यो खत्तम !

“माया गासौं” भनेको ठिकै हो
गाँसे पछि गाँठो अवश्य पर्छ !, एउटै जस्तो देखिने भ्रम हुन्छ !
बत्तिसपुतली, काठमाडौं