नेपाली हास्यव्यङ्ग्य अनलाइन पत्रिका

के के हुन्छ ? हेरौला नि भोलि महाराज !
त्यागी आयौं आत्मघाती गोली महाराज ।

हाम्रो पनि सुनौँ कुरा, हेप्ने होइन नि !
माघमा नै खेलिने छ होली महाराज !!!

तिमी मात्र ठिक ठाने पछि दिक्क हौला
नखाऊ है आफ्नै भाग्य पोली महाराज !!

हामी पनि हामी नै हौँ गरीबका साथी
कम छैनन् हाम्रा पनि टोली महाराज !!

भनी सकेँ ‘कुरी कुरी’ सारा दुनियाले
अब भने देखाउँछन् खोली महाराज !

बहुमते तानाशाही नदेखाए उत्तम !!
अपहरण होला फेरि डोली महाराज !!

कसको यहाँ आएन र दुई चार भोट ?
गम्किएर नबन्नू है “ओली ! महाराज” !!
चितवन