नेपाली हास्यव्यङ्ग्य अनलाइन पत्रिका

अन्यत्र संविधान उही रही रहन्छ,
नेता आउने जाने गर्छन् ।
यहाँ नेता उही रही रहन्छ,
संविधान आउने जाने गर्छन् ।

अन्यत्र मसानघाट उही रही रहन्छ
प्रत्येक पटक पोलिने लास फरक हुन्छ
लास पोल्न आउने मलामी फरक हुन्छ
तर यहाँ त पोलिने जनता उही रही रहन्छ
लास पोल्ने नेता उही रही रहन्छ
पोल्ने ब्यवस्था फरक हुन्छ ।

जल्दा जल्दैको जनता बोकेर मलामी नेता
कहिले यो व्यवस्था कहिले उ व्यवस्था दौडी रहेछ
उही मलामी उही जलिरहेको लास लिएर
कहिले यो संविधान कहिले उ संविधान भनि रहेछ ।

घाट जति परिवर्तन गरे पनि
उही जनता जली रहेछ
पोल्दा पोल्दैको उही लास लिएर
मलामी कहिले यो घाट कहिले उ घाट गरिरहेछ
परिवर्तन भई रहेछ
नया संविधान बनि रहेछ ।
बत्तिसपुतली, काठमाडौं