नेपाली हास्यव्यङ्ग्य अनलाइन पत्रिका

जाँचको बेला प्रश्न आउँदा
आफूलाई उत्तर कुनै नआउँदा
लगेको चिट पनि चोर्न नपाउँदा
भन के गर्ने ?
आन्दोलन गर्ने !

गोठ भरि भरि भैंसी पाल्दा
बर्षौं घाँस भकारो गर्दा
कुनै भैंसी कहिल्यै नब्याउँदा
भन के गर्ने ?
आन्दोलन गर्ने !

बिहे गरेको बर्षौं बित्दा
सन्तानको मुख देख्न नपाउँदा
थाकेँ डाक्टर झाँक्री लाउँदा
भन के गर्ने ?
आन्दोलन गर्ने !

छानी श्रीमती राम्री ल्याउँदा
तैपनि अर्कैकी राम्री लाग्दा
मेकअप खर्च धान्न नसक्दा
भन के गर्ने ?
आन्दोलन गर्ने !
काठमाडौं