नेपाली हास्यव्यङ्ग्य अनलाइन पत्रिका

संसारमा प्रख्यात सृजनाको शहर
भक्तपुर घुम्न जान लाग्यो रहर

पचपन्ने झ्यालको दर्बार टोलमा
जता हेर्यो कलाकृति चोक चोकमा

सुनको ढोका अगाडि सुनको सालिक पछाडि
चोक अगि चोक पछि मूर्ति अगाडि

ढुङ्गा माटो काठमा सृजनाको पाठ छ
जता बग्यो हनुमन्ते उतै घाट छ

बिस्केटको जात्राले नयाँ बर्ष लेराउने
गाईजात्रा भक्तपुरको मुलुक हँसाउने

मन्दिरमा बिहान पूजा पाठ भजन
साँझ पर्यो जात्रा थाले लाखे नाचन

सभ्यता र संस्कृति सुन्दर छ प्रकृति
भक्तपुरको कला कृति विश्व सम्पत्ति ।
काठमाडौं