नेपाली हास्यव्यङ्ग्य अनलाइन पत्रिका

“हरे राम हरे राम” अमेरिका गए
“हरेरामा हरेरामा” भएर आए
योग अमेरिका अमेरिका गए
योगा भएर आए
सुशील अमेरिका गए
तर सुशिला नभईकन आए
अर्थात
यिनमा परिवर्तन ल्याउन
अमेरिकी पनि असमर्थ रहे ।

बरु रामलाई पनि परिवर्तनले छुँदो रहेछ
योग समेत अरुको सजिलाका लागि योगा हुँदो रहेछ
तर नेपालमा एक पटक नेता बनि सकेपछि
विश्वनै परिक्रमा गरे पनि त्यसमा परिवर्तन असम्भव हुँदो रहेछ ।

सुशील सुशिला भएर आएको भए,
कसैलाई त काम लाग्थ्यो
खनाल “ख नाला“ भएर आएको भए
नेवारीमा त सही हुन्थ्यो
तर यिनमा परिवर्तन सम्भव भएको भए
कुकुरको पुच्छर पनि त सोझो हुन्थ्यो ।
काठमाडौं