नेपाली हास्यव्यङ्ग्य अनलाइन पत्रिका

भूकम्पको पराकम्पन भन्दा
राजनीतिको पराकम्पन दरो
दुबै आफै टुक्रिएर काप्छन्
अरूलाई चोट पुर्याउछन्
खित्का छोडेर हाँस्छन्
अनि फूर्ति लाउँछन्
देख्यौ ?
हामीले त देख्यौँ
नौ दशकमा फट्कार्नेले त
झस्कायो, खबरदारी गर्यो
तर, दशकै पिच्छे आउनेले
गर्नु त गर्यो, आफ्नै दुनो सोझ्यायो
च्याँखे थाप्यो,
घुर्की लायो,
सत्ता चाख्यो ।
अब देख्न बाँकी छ
राजनीतिका ठेकेदार हो,
मञ्चन नगर शब्दजालले
प्रायश्चितको मौका छ
इमानदार बनिदेऊ !
बनिहाल्छ संविधान
दक्षिण नधाउ !
पश्चिम नधाउ !
उत्तर नधाउ !
यदि टेरेनौ भने
पराकम्पन मै भाँसिने छौ ।
काठमाडौं