नेपाली हास्यव्यङ्ग्य अनलाइन पत्रिका

गरिवलाई उठाउँछु भन्छन् 
फकाउँछन, थच्याउँछन तिनै
किनकि तिनलाई स्वार्थ लुट्नु छ {{read_more}}
वैधानिक डकैती गर्नु छ ।

जनमतको दुहाई दिँदै
अमृतवाण छर्कन खप्पिस 
मौका नपरेसम्म झुक्छन, लटपटिन्छन्
ताल पर्यो कि त ओखलेर फालिदिन्छन सहजै ।

विविध तन्त्रको खेती गर्न पल्केका
नैतिकता बेच्न र किन्न माहिर छन् तिनै 
ठूलो डाँकोमा कुर्लदै डङ्का पिट्छन्
नयाँ नेपाल बनाउँछौं, बनाउँछौँ ।

इतिहासलाई मेटेर वर्तमान चिनाउने
सामर्थ्य तिनले राख्ने भए
दासत्व तिनले किन स्वीकार्थे र ?
नैतिकता तिनले किन बेच्थे र ?

हो, हो, हो,
खोइ त गरिवको आङमा कपडा !
खोइ त मुखमा तिनलाई माड !
खोइ त न्यायको आभाष !
नवसामन्तीले डसेको डस्यै छन् !!!