नेपाली हास्यव्यङ्ग्य अनलाइन पत्रिका

१.माछो माछो भ्यागुतो

तिमीले फालेका ढुङ्गाहरू
मेरा लागि भगवान् भयो
तिमीले चुँडेका पातहरू
मलाई भगवान्को प्रसाद भयो
तिमीले बोलेका कटुवचन
मेरा लागि दिव्य उपदेश भयो
तिमीले लेखेका हरेक शब्द
मेरो मुटुभरी छाप भयो
तिमीले दिएका चोटहरू
पोखरीमा ढुङ्गा फालेसरी भयो
कर्तव्य आफ्नो बिर्सेर गयौ
भूल सायद मेरो भयो
लुकेर कुर्छ्यौ किन
सकिन्छ, सामुन्ने आएर भने भयो
सोचिन कहिल्यै तिम्रो कुभलो
मलाई पो माछो माछो भ्यागुतो भयो !

२. साँढे

महादेवको वाहन मात्र हैन
प्रत्येक घण्टा घण्टामा बज्छ साँढे
कोही मर्दा पनि डामेर छोड्छन्
अरूले रोपेका बाली नष्ट पार्छ त्यै साँढे
गाउँभरीका गाईसँग मस्त चर्छ
कोही आए सिंगौरीले तर्साउँछ साँढे
सडकदेखि सदनसम्म डुक्रन्छ
छिमेकीको भरमा मालिकलाई हान्छ साँढे
भूकम्प पीडितको राहत हसुरेर
पीडितलाई नै बुख्याँचा बनी झस्काउँछ साँढे
सदनमा कुर्सीदेखि जुत्ता फाल्छ
बाहिर निस्क्यो पाल तान्छ त्यै साँढे
जस्ता खान्छ, बत्ती खान्छ
आजको आधुनिक डियर साँढे ।

काठमाडौं