नेपाली हास्यव्यङ्ग्य अनलाइन पत्रिका

वैंशको एक अञ्जुली जवानी सम्झिन्छु,
एकै मुठी हो प्राण यो, खरानी सम्झिन्छु ।

घुम्छन् घडीका सुईमा, यादहरू घुम्छन्,
बज्दै बितेका यादमा, कहानी सम्झिन्छु ।

सिर्जना हुँ म, कृति हुँ, पूज्य बा–आमाको,
ठूलो लगानी छ ममा, भुक्तानी सम्झिन्छु ।

परीक्षा दिन आउँछन्, अर्जुनका हूल,
म द्रोण आफ्नै तालुमा, निशानी सम्झिन्छु ।

रुपियाँले सास फेर्छन्, लासका फोक्सोमा,
कति रैछ ? मलामीको, आम्दानी सम्झिन्छु ।