नेपाली हास्यव्यङ्ग्य अनलाइन पत्रिका

दुधको साक्षी बिरालो
म्याउ म्याउ गर्दै आएथ्यो ।
तिनै जिल्ला नाँचेर
मुसो थुत्छु भन्दैथ्यो ।

दसै लागेछ त्यसलाई
नंग्रा सबै भुत्ते भो ।
जुन बाटो आयो
त्यहि बाटो फर्कि गो ।

भोकले रन्थनिएर
आफ्नै बिस्टा सुँघ्दैछ कि ?
बिजुलीको त्यो झट्कालाई
भूकम्प पो ठान्दैछ कि ?

जे भएनि उसको सपना
टुक्रिएर खरानी भो ।
मिचाहा त्यो प्रवृतिले
कहाँ के के गर्ने हो ?

चरहरूलाई उसले अब
कित्ता कित्ता पुर्याउला !
नूनको मूल्य असूल्नलाई
दलमै राँको लगाउला !

धोका दिने सेवकलाई
हाम्रै चोकमा नँचाउला !
अरू त गर्न के सक्छ र ?
त्यहि नाकाबन्दी लगाउला !!

काठमाडौं