नेपाली हास्यव्यङ्ग्य अनलाइन पत्रिका

नाम जे छ काम अर्कै छ यहाँ
विद्युत् प्राधिकरण छ नाम जसको
लोडसेडिङको तालिका बाँड्छ यहाँ
रिचार्जकार्ड बेच्छ नेपाल टेलिकम
रिचार्ज नभएर दुःख दिन्छ यहाँ
धारामा पानी थोपो चुहिँदैन
महसुल लिन्छ खानेपानी संस्थान यहाँ
ग्यास तेल यहाँ केहि पाइँदैन
जनतालाई हाहाकार पार्छ आयल निगम यहाँ
सरकार यहाँ छैन भनूँ भने
कुस्त कर मात्रै तिराउँछ यहाँ
छिमेकीले नाकाबन्दी गर्यो भन्छन् सबै
कालाबजारीले कसरी छिराउँछन् यहाँ
दिनदहाडै पसलेले लुट्छन् जनलाई
कसको कसलाई मतलब छ यहाँ
दिनरातको कुनै सिमा छैन सबलाई
दाम र नाम कमाउनुछ यहाँ
ढाँटेर आफ्नै मनमुटुलाई
सर्वश्रेष्ठ घोषित गर्नुछ यहाँ
कसैले कसैलाई तपाईं भनोस् नभनोस्
आफैं मपाईं हुनुपर्छ यहाँ ।

काठमाडौं