नेपाली हास्यव्यङ्ग्य अनलाइन पत्रिका

हरेकले भन्दैछ
त्यो पनि आयो टन्न खायो
यो पनि आयो टन्न कमायो
उ पनि आएर डन्नै खाको छ
तर अख्तियार थाह छैन रे
सोध्दैछ
भन्नुस् न कसले खाको छ ?
त्यसको फुसको छानो थियो
आहिले पाच तले घर छ
यसको कुशको छानो थियो
आज सात तले घर छ
सबलाई थाहा छ
त्यो कहाँबाट कसरी आको छ
तर पनि अक्तियार सोज्दैछ
भन्नुस् कसले
कहाँ कति खाको छ ।

दुई चार कट्टा जाग्गा नहुनेले पनि
दुइचार कट्टा घडेरी किन्या छ
साइकल पनि थियो कि थिएन
आज पजेरोमा हिँड्या छ
अदालतदेखि अख्तियारसम्म
मान्छे उसैले चिन्या छ
छरछिमेक सबलाई थाह छ
ऊ कसरी धनी भाको छ
तर अझै अख्तियारले सोध्दैछ
भन्नुस् कसले कहाँ खाको छ ?

डिङ्नो झैं जुटेर
सरकारी धन लुटेर
सरकारको सम्पती भुटेर
राजाधानीमा सिसमहल बनाको छ
यहाँ भ्रष्टाचारको खेतीपाती
डुङडुङती नै गनाको छ
सबलाई थाह छ
यहाँ कसले कति कमाको छ
तर अख्तियार अझै भन्दैछ
हैन यो देशमा के भाको छ
कसैले भन्दै भन्दैन त
आफूले यति खाको छ ।

दाङ, हाल : काठमाडौं