नेपाली हास्यव्यङ्ग्य अनलाइन पत्रिका

कुखुरा च्याप काखीमा झोलामा राख वारुणी
खरानी घस थाप्लामा नाच लौ नाच मारुनी
तिमी नाचिदिँदा बन्छ जात्रा यो भव्य सुन्दर
नाच नाच अझै नाच जिन्दगी अरु के छ र ?

ईश्वरः सर्वभूतानाम् ह्द्देशेर्जुन तिक्ष्ठति
त्यो ईश्वर यहाँ को हो कसरी अझ तिष्ठति
भ्रामयन् सर्वभूतानि यन्त्रारुढानि मायया
सक्छौ भने अझै सोच आफैमाथि गरी दया ।

बसालेछौ नयाँ बानी खाने प्युँने कमाउने
परिबन्द मिलाएर श्रीसम्पत्ति जमाउने
क्रमभङ्ग त गाँजा भो सोँट्ठ्याऊ हाँस बेस्सरी
रसभङ्ग नहोस् तिम्रो जमोस् जात्रा तमासरी

काठमाडौं