नेपाली हास्यव्यङ्ग्य अनलाइन पत्रिका

खगेन्द्र नेउपाने :

लाेग्नेकाे रिसले समर्थन गरेकाे गधा
कस्ताे अद्भूत र अवर्णनीय हुन्छ ।

लाेग्ने बूढाे कराइरहन्छ
अनेक थाेक अह्राइरहन्छ
पुराना कुरा खाेकीरहन्छ
थाेत्राे आदर्श बाेकीरहन्छ
तर गधा चुपचाप चरीरहन्छ
कहिलेकाही बाेल्छ
उस्काे आवाज कति मेटाफाेरिक छ
जस्ले जे अर्थ लाए पनि हुने
जस्ले जे चाल पाए पनि हुने
उस्काे हिंडाइ कति लचकदार
घाँटीकाे घण्टी संगीतकाे चराइ कस्ताे उभार

लाेग्ने बूढाे थला परे पनि हुन्छ
अब त त्याे मरे पनि हुन्छ
कति असत्ति छ
उसकाे कुरा चल्दा मलाई हावाले पनि बिथाेल्छ
उस्काे अनुहार बल्दा
मलाई भित्रभित्रै पाेल्छ
तर याे गधा कति शान्त छ
मात्र बेलाबेला हराउँछ
बेसुरा स्वरमा सुरवाला गीत गाउँछ ।

मलाई एउटा छिमेकीले भन्याे
लाेग्ने गधा हुनसक्छ
तर गधा लाेग्ने हुन सक्दैन ।

०००
गाैरादह, झापा