नेपाली हास्यव्यङ्ग्य अनलाइन पत्रिका

खगेन्द्र नेउपाने :

अक्सीजन काे कमीले धेरै नदीहरु मरीसके
तर कसैले ध्यान दिएकाे छैन
नदीकाे लास मृत पानीमा तैरिरहेकाे छ
त्यसैले नदीकाे लासमाथि मानिसकाे लास तैरिरहेकाे छ
मृत नदीकाे लासमाथि मानिसकाे लास पर्दा
मानिसका अपराधहरु पानीमा कहाँ घुल्नसक्छ ?
मानिसका अपराध पनि पानीमा तैरिरहन्छ
एकदिन साह्रा दुनियाँ नै मर्छ
अक्सिजनकाे अभावमा
मृत नदीमाथि तैरिरहेकाे हुनेछ
त्यसपछि आउँनेछ सभ्यताहरु मर्ने पालाे ।

०००
गाैरादह, झापा