नेपाली हास्यव्यङ्ग्य अनलाइन पत्रिका

खगेन्द्र नेउपाने :

याे सालकाे नयाँ बर्षअलिकति
लालपुर्जा सपनाको कन्तुरमा पाेकाेपारेर
आँधीले उडाएकाे जस्तापाताकाे छाना खाेज्नगएकाे
साईंलीकाे लाेग्ने फर्केन
कलिला छाेराछाेरीहरु
उदाङ्गाे ढाेकाबाट पर परसम्म
पुग्ने आबाजमा बा बाेलाइरहेछन्
निमुखा नानीहरुकाे सपना
कालाे गब्बरकाे घाेडाले कुल्चेर भाग्याे ।

विहानै थाेत्रे रेडियोमा कटुवालकाे स्वर बज्छ
धन्दा नमान तिमी
बनिनका लागि भत्किएका हाै
पराइकाे युरियामा भ्रमकाे खेती सप्रँदैेछ
महामहिमका सन्तान उनकै काखमा
आलिसान सुताइ बाँचीरहेकाे बेला
भत्किएकाे खण्डहरमा
एउटा सुत्केरी बच्चा विद्राेहकाे राेदन पाेख्दैछ
सरकारका प्याधाहरुकाे सीमाहीन अश्लिलता खप्न नसकेर एउटा कवि
क्लिष्टताकाे बर्काे ओढेर ब्युँझदैछ
जीवनकाे धूलाे चाटेर हुर्किरहेकाे बर्तमान ।

ब्यस्त अस्पतालकाे चिल्लाे भूईंमा
पाेचा लगाइरहेकाे बेला
भित्री वार्डकाे भित्ताे चिरेर
फिनेलकाे गन्धमा पछारिन आइपुग्छ
केटाकेटी आवाज
केही किलोमिटर पर
डाेजरले उक्काइरहेका थाेत्रा टिनकाे आवाज उधिनेर
राेइरहेका छाेराछाेरीकाे आवाजसंगै मिसाएर
बुझिरहेछ जिन्दगी
एउटा मजदुर ।

०००
गाैरादह, झापा