धनराज गिरीतिमै लागि
के दिएनौँ ? सबै दियौं, दाजी तिम्रो लागि !
छोडेकै हो महल गाड़ी काजी तिम्रो लागि !!
आयौ माग्न आत्मदान गोप्य भए पनि
बोल्यौ मिठो ,पग्ल्यौं, भयौं राजी तिम्रो लागि ।
बासीतासी खस्रो पिठो गिठा खाए पनि
पस्केका हौँ राम्रो खाना साजी तिम्रो लागि ।
गन्तव्यमा तिमीलाई पुर्याउन भनी
घाट घाटमा बनेकाथ्यौं माझी तिम्रो लागि ।
धिक्कार भो, बेकार भो अरे धुन्धुकारी !
के गरेनन् जनताले ‘पाजी’ तिम्रो लागि ??
चितवन
Subscribe
Login
0 Comments
Oldest
