नेपाली हास्यव्यङ्ग्य अनलाइन पत्रिका

मादलुमा गुञ्जिदैनन्, रोदीघर भो खाली
झरे सारा फूलहरू, रित्तो भयो डाली ।

काका बिते खैजडीमा, माकुरीको जालो
आइते दाजु विदेशिए, डम्फु भयो कालो ।
कृष्ण दाजु थला परे, मारुनीका माली
झरे सारा फूलहरू, रित्तो भयो डाली ।

चित्र हेर्ने बेला भयो, गुनियाँ र चोली
दौरासुरुवाल एकादेशको, कथा बन्छ भोलि ।
ठूला मान्छे बन्ने भाछौं, परिचय फाली
झरे सारा फूलहरू, रित्तो भयो डाली ।

२०६८, असोज १५
धादिङ