नेपाली हास्यव्यङ्ग्य अनलाइन पत्रिका

ज्ञानी गौतम बुद्ध आज सबका आफ्ना भए ज्ञानले
झुक्छन् सज्जन सामु जो पनि सधैकक श्रद्धा र सम्मानले ।
आफ्नाले बदनाम गर्छ कहिलेकाहीकक नजानेर नै
त्यागी मात्र सदैव पूजित यहाँ राम्रा र हाम्रा उनै ।।

थन्किन्छन् हतियार भित्र घरमा बोधो भएको भए
सिक्थेकक ठाडिन झुक्न बिर्सन गई कोदो भएको भए ।
गाह्रोमा कुन मित्र हो र कुन हो वैरी भनी छुट्टिने
पक्का हो गुण दोष चिन्न नसके धोका ठुलो पाइने ।।

काँटी एक मनग्य हुन्छ जगका वृक्षादि सल्काउन
काफी सूर्य छ यो समस्त जगमा आलोक झल्काउन ।
आशातीत पवित्र भाव मनमा राखेर बाँच्ने गर
कैले मास छरेर भूल हुन गै कोदो फलेको छ र ?

हुन्छन् योग्य जतासुकै सफल नै को सूर्य चम्काउँछ
एक्लै बस्दछ शेर जङ्गल महाँ को जन्तु धम्क्याउँछ ?
खै को पोत्छ र रङ्ग यी कुसुममा काँडा तिखार्ला र को ?
चर्चा हुन्छ बढी सदैव जगमा गर्छन् ठुलो काम जो ?

मान्छेभित्र तनावले नपुरिने साँच्चै ठुलो घाउ छ ।
पाई काम र माम खान सकिने राम्रो कतै ठाउँ छ ?
भन्दा हुन् किन ’रामराज्य’ मुखले यो गर्त सोला दिई
छैनन् शाश्वत चीज क्यै पनि यहाँ जान्छन् सबै सिद्धिई ।।

सुर्खेत