वासुदेव पाण्डेयगुटभित्र चिराहरू छन्
बिक्तैन गोरस तथा फलफूल ताजा बिक्ने चुरोट र चिया, मदिराहरू छन् ।
वासुदेव पाण्डेय :
आदर्श कर्मठ र बन्धु किराहरू छन्
मान्छे समाज गुटभित्र चिराहरू छन्
जुम्सो मनुष्य परनिर्भर झन् कुरौटे
हो आत्मनिर्भर किरा धमिराहरू छन्
यो राज्यले जल र जङ्गल चिन्न छाड्यो
‘कौडी’ समान असरल्ल हिराहरू छन्
हाम्रो समाज छ हलाहल मूल जस्तो
बोक्ने विषाक्त धमनी र शिराहरू छन्
बिक्तैन गोरस तथा फलफूल ताजा
बिक्ने चुरोट र चिया, मदिराहरू छन् ।
०००
सुर्खेत
Subscribe
Login
0 Comments
Oldest
