नेपाली हास्यव्यङ्ग्य अनलाइन पत्रिका

वासुदेव पाण्डेय :

चन्दा, चोर र चक्रव्यूह, चतुरा, चम्चेहरूले चुसी
चासो, चिन्तन, चाख, चेत चुप छन् चर्कै चल्यो चाप्लुसी ।
चौडा चोक चिनेर चिन्तित हुँदै चाहे चलून् चालक
चाँदी, चाट, चना, चुरोट कि चिया, चुस्की र चन्दा चक ॥

चल्ने, चर्च, चरेस, चोक र चिनी, चौका, चुलो चामल
चोली, चर्म र चुम्बकीय गुणको, चर्चा चले चञ्चल ।
चोखो चन्दन, चन्द्रमा चहकिलो, चाञ्चल्य त्यो चाखको
चर्चा चल्दछ चारुको र चरुको चार्वाक, चाणक्यको ॥

चुट्की, चङ्गुल, चाकरी, चतुरता, चन्दा र चम्चेपन
चारो चाख्न चटक्क चातक चल्यो चिन्ता चिता चिन्तन ।
चोला चोट, चरित्र, चाख, चुलिई चारो चराझै छल्यो
‘चम्चावाद’ र चाकरीपन चली चोरेर चर्खा चल्यो ॥

चङ्ग्रे चाख्छ चटामरी, चप, चना, चुस्की पुगी चोकमा
चाक्सी, चम्सुर, चाउचाउ, चकटी, चस्मा किन्यो थोकमा ।
चोली, चन्दन, चन्द्रहार र चुरा चाहिन्छ भन्दै थियो
चन्द्रे चाउरिएर चिन्तित भई चट्टान बन्दै थियो ॥

चुत्रो चोर्दछ चोर, चाट्छ चटनी चल्ला चिचिण्डा टिपी
चाल्नो चोकर चाल्छ, चाल्न नसकी गर्दैन चाल्ने ढिपी ।
चन्दा, चन्दन, चोट, चोक र चुरा चल्दा चमत्कार छ
चौतारी अनि चोक, चौर सबमा चर्को अह‌ङ्कार छ ॥

०००
सुर्खेत
दुलही (२०७८)