नेपाली हास्यव्यङ्ग्य अनलाइन पत्रिका

दिव्य गिरी :

१.
जसको सालिक बन्यो, उसकै गुनगान गाए
जसको सालिक बन्य‍ो, उसकै तारिफ सुनाए
राजनीति सरम पचेकाहरूको पेशा हो हजुर
जस्ले शहीद बनाए, अनि उसैले माला लगाए ।

२.
कुर्सीमा लिसोझैँ टाँसिने त्यो प्राणीदेखि दया लाग्छ
जिवनभर झूटो बोली हिँड्नेको बानीदेखि दया लाग्छ
दया चाहिँ गरीब र दीनदुःखीलाई गर्नुपर्ने थियो हजुर
भ्रष्टाचारमा लिप्त नेतारूपी बेइमानीदेखि दया लाग्छ ।

३.
पहिले कहिलेकाहीँ तर अहिले लगातार आउँछ
बिहानै बिहानै खुशीको झैँ ठूलो समाचार आउँछ
त्यो खबर सुनेर सबैको मुखबाट प्रश्न निस्किन्छ
“किन दिनदिनै खबरमा केवल भ्रष्टाचार आउँछ ?”

०००
महालक्ष्मी न.पा.५, टीकाथली, ललितपुर ।