नेपाली हास्यव्यङ्ग्य अनलाइन पत्रिका

अगि अगि हिँड्नेलाई चिन्ने भए
हजुर म त पछि पछि हिँड्ने भएँ
जे जे देखायो गमेर हेर्ने भए
हजुर म त हस् भनि टेर्ने भएँ ।

आउ भन्दा आउँछन् घुम भन्दा घुम्छन्
हजुर म त लुखुर लुखुर घुमाउने भएँ
ख्वाइदिँदा खान्छन् पिलाउँदा पिउँछन्
हजुर म त लड्लान् भनि समाउने भएँ ।

हतार हतार लिन जाऊ फेरि पुर्याऊ
हजुर म त तातो न छारो व्यस्त भएँ
स्वागत ग्रहण गर्छन् जुँगा ताउ दिन्छन्
हजुर म त मै हो कि भनि मस्त भएँ ।

अगि अगि हिँड्नेलाई खिच्ने भए
हजुर म त पछि पछि खिस्स भएँ
बसाइ दिँदा बस्ने बोल्न दिँदा बोल्ने भए
हजुर म त छेउमा खुम्चिएर हिस्स भएँ ।

लस एन्जेलस