नेपाली हास्यव्यङ्ग्य अनलाइन पत्रिका

राकेश कार्की :

देश विदेश जताततै
यो कस्तो उमङ्ग
आयो फागुन होलीको
थरिथरिको रङ्ग
एकआपसमा मिलेर
भिडमा रमाइरहे
मौसम नै मज्जा आनन्द
रङ्गमै डुबाइरहे
बादलको स्वागत सूर्यको मुस्कान
जगतमै हाँसो छ
प्रेम-रङ्ग भरेर बेलुन प्रहार
खेलमा जो चासो छ
पिचिचिचि पिचकारी फोहरा
वर्षा भो रङ्गकै
नाचे सङ्गीतमै छमछम
नशा त्यो भाङकै
सदभावको अबिर दलेर
सप्तरङ्गी रङ्गोली
बाँडेर रङ्गीन पिरती
आऊ खेलौँ होली ।

०००
इन्जिनियर कार्की लस एन्जेलसमा हुनुहुन्छ ।