राकेश कार्कीविनाविभागीय मन्त्री
भो भो बाबा अब हुँदो रहेनछ विनाविभागीय मन्त्री खान जनताको निम्ति काम गर्न पर्दोरहेछ मन्त्रालय तोकेरै जान ।
के न कसो गर्नु अब
क-कल्लाई मात्र भन्नु
साह्रै अप्ठेरो रहेछ
विनाविभागीय मन्त्री बन्नु
मन्त्री पाउने भन्नासाथ सोझै
सपथ लिन दौडियो
यो सिट ऊ सिट मतलब भएन
झुण्डिएरै भएनि छिरियो
समस्या ल्याएका जनता
टुलुटुलु हेर्छन् मात्र
पत्रकार मसला भेटिएझैँ
वरिपरि घेर्छन् मात्र
के गर्नुहुन्छ कहिले टुङ्गो हुन्छ
सोध्छन् कामकाज के हो
दृढ निणर्य निश्चित भिजन नहुँदा
छर्लङ छ यो हाल जे हो
यो चाहिँ क्षेत्रमा काम गर्छु भनि
सक्नुपर्ने रहेछ योजना भन्न
अहिले लागिरहेछ सांसद बनेको
जुनै भए पनि मन्त्री बन्न
भो भो बाबा अब हुँदो रहेनछ
विनाविभागीय मन्त्री खान
जनताको निम्ति काम गर्न
पर्दोरहेछ मन्त्रालय तोकेरै जान ।
०००
जनवरी १, २०२३
लस एन्जेलस
