नेपाली हास्यव्यङ्ग्य अनलाइन पत्रिका

बेकम्मा खोस्टा उनेर माला बनायौ
समय नचिन्नेलाई उल्लु बनायौ ।

भ्रममै बाँच्ने बानी पार्यौ अरूको
हामीलाई यता न उताको बनायौ ।

बकेर्ना जस्ता बनाई जनतालाई
साँच्चै बेवारिसे प्राणी पो बनायौ ।

थैली विकास नामको देखाई यहाँ
हरियो आँखामा क्षणिक बनायौ ।

लामो छ यात्रा हाम्रो समयसँगै चल्ने
भन्छ विवश अशक्त रोगी बनायौ ।

आँखिभुई ८ संखुवासभा
हाल काठमाडौं