नेपाली हास्यव्यङ्ग्य अनलाइन पत्रिका

प्रेम गर्नुहोस्, झगडा नगर्नुहोस्
दुवै गर्न मन भए बिहे गर्नुहोस् ।

सकभर बिहे मन परेकोसँग गर्नुहोस्
मन नपरेकोसँग बिहे छुटेको चिन्ता नगर्नुहोस्
मन परेको पनि बिहेपछि मन नपरेको भइ हाल्छ
एउटै बिहेले दुइटैसँग बिहे गरेको अनुभव गर्नुहोस् ।

सकभर बिहे केटाले केटीसँग नै गर्नुहोस्
केटीले पनि बिहे केटासँग नै गर्नुहोस्
प्रजातन्त्रमा प्रतिपक्षी नभई हुँदैन
कहिले सत्तापक्षी को हुने ? भद्र सहमति गर्नुहोस् ।

नयाँ श्रीमानले नया श्रीमतीलाई ‘मेरी रानी’ भन्नु होस्
नयाँ श्रीमतीले नया श्रीमानलाई ‘मेरो राजा’ भन्नु होस्
पुरानो भएपछि आन्दोलन, क्रान्ति हुँदै जब गृहयुद्ध शुरु हुन्छ
राजतन्त्र फ्याँकेर घरमा गणतन्त्र ल्याउनु होस् ।

काठमाठौं