काशीनाथ मिश्रितव्यापार
कसैले पसिना बेच्छन् कसैले ईमान बेच्छन् ।
मन्दिर भित्रै पुजारीले बाईबल र कुरान बेच्छन् । {{read_more}}
उहिले पाठशालामा, गुरूहरू ज्ञान बाँड्थे,
अहिले विद्यालयमा शिक्षकहरू ज्ञान बेच्छन् ।
यिनै हुन् दानवीरको बिल्ला भिर्ने व्यापारीहरू,
जो समस्या दान दिन्छन् अनि समाधान बेच्छन् ।
अचम्मको होडबाजी चलेको छ यो शहरमा,
चश्मा किन्न मान्छेहरू, नाक र कान बेच्छन् ।
Subscribe
Login
0 Comments
Oldest
