सुलसुलेसमता काव्य सन्ध्या १९५ औँ शृङ्खलामा
पोखरेली युवा सांस्कृतिक परिवारको मासिक समता काव्य सन्ध्याको १९५ औँ शृङ्खलामा परिवारका संस्थापक उपाध्यक्ष नवराज कार्कीसँगै पूर्व अध्यक्षहरू ईश्वरमणि अधिकारी र
जीवनसागर भण्डारीले एक साथ कविता सुनाउनुभएको छ ।{{read_more}}
सन्ध्याको रजत वर्षका अवसरमा हुँदै आएको १० कविका १० कविता शृङ्खलाअन्तरगत अन्य कविहरूसँगै पूर्व अध्यक्षद्वयले कविता सुनाउनुभएको थियो । सन्ध्या नायकका रुपमा परिवारकै संस्थापक उपाध्यक्ष नवराज कार्कीले आफ्ना ५ कविता सुनाउनुभयो । आफ्ना दिवङ्गत सहयोद्धाहरू सरोजगोपाल, अरुण थापा र विनोद गौचनलाई सम्झेर दुःखी हुनुभएका हाल अमेरिका निवासी कवि कार्कीले शिशु मृत्यु दर सबैभन्दा बढी संस्थाहरूमा देखिए पनि पोखरेली युवा सांस्कृतिक परिवारमा त्यो लागू नभएकोमा भने खुसी व्यक्त गर्नुभयो । उहाँले हास्य र शृङ्गार रसका कवितासँगै अमेरिकाको त्रासद जीवनशैली समेटिएका दुई कविता पनि सुनाउनुभयो ।
कवि कार्कीलाई पोखरेली युवा सांस्कृतिक परिवारले नै आगामी मङ्सिर ९ गते पोखरामा एकल कविता वाचनमा उभ्याउने तयारी गरिरहेको परिवारका अध्यक्ष दीपक समीपले जानकारी दिनुभयो ।
अध्यक्ष दीपक समीपको अध्यक्षतामा भएको कार्यव्रmममा भण्डारी र अधिकारीसँगै गनेस पौडेल, तीर्थ गुरुङ, सुरज उपाध्याय, सविता सापकोटा, गीता तिवारी, खेम देवान, भीम रानाभाट, स्ट्रगल राना र सरला लामिछाने ‘सरु’लगायतका कविहरूले आफ्ना कविता सुनाउनुभएको थियो । कार्यव्रmमको सञ्चालन सचिव अर्जुन अधिकारीले गर्नुभएको थियो । परिवारले हरेक महिनाको पहिलो शनिबार कविताको अघोषित पाठशालाका रुपमा समता काव्य सन्ध्या सञ्चालन गर्दै आएको छ ।
स्रोत : रुपिन्द्र प्रभावी
