हरि खनालउस्तै तिम्रो चाला
देखें देखें तिम्रो पनि देश बनाउने चाला ।
बाघ रैछ घरभित्र ल है ज्यान जाला ?
दिन्न दिन्न भन्दाभन्दै भन्नु पर्यो दिने ।
पेवाजस्तो लाग्छ देश आफू मात्रै खाने ।।
कुरी कुरी भन्दाभन्दै आफ्नै तुरी ह्वाङ्ग ।
दाह्री तानी छेक्दछेक्दै भइहाल्यो छ्याङ्ग ।।
कस्ले सुन्ने नबुझिने लट्याङपट्याङ कुरा ।
हाउहाउ गर्छ माथि बसी उही डडेल्धुरा ।।
उचालेर खसाल्नलाई चालचल्ने मन्द ।
बाक्लो दाह्री विश्वबैङ्के कमिसनको गन्ध ।।
बालुवाटारमा बालुवा तात्यो झर्लान् दाह्री जुँगा।
बालुवामा थाप्नुभयो माछा मार्ने खुङ्गा ।।
धादिङ
