नेपाली हास्यव्यङ्ग्य अनलाइन पत्रिका

तिमी यसरी फर्किनु हुँदैनथ्यो मैले भनेकै थिएँ
फर्के पनि यसरी झर्किनु हुँदैनथ्यो मैले भनेकै थिएँ

ऐनामा आफ्नै अनुहार हेरी अकस्मात् झसङ्ग हुँदै
तिमी यसरी थर्किनु हुँदैनथ्यो मैले भनेकै थिएँ

को आफ्ना को पराया कुनै बेला सबै चाहिन्छन्
तिमी यसरी चर्किनु हुँदैनथ्यो मैले भनेकै थिएँ

जोसँग पनि पिपलको पातजस्तै लुरूक्क भएर
तिमी यसरी लर्किनु हुँदैनथ्यो मैले भनेकै थिएँ

म त तिम्रो सधैँ भलो चाहने मान्छे हुँ सानू !
तिमी यसरी तर्किनु हुँदैनथ्यो मैले भनेकै थिएँ ।

हेटौडा, मकवानपुर
२०७० फागुन १३