नेपाली हास्यव्यङ्ग्य अनलाइन पत्रिका

१
जे जे माग्छौ दिन्छु भनी, मैले उसैलाई मागेंं
छोरा छोरी बुढी छोडि, उसकै पछि लागेंं
दुईचार दिन हराई अनि, भेट्न घरै जाँदा
बुढोसँग अँगालोमा रैछे, म त रन्थनिदै भागें ।

२
बृद्ध भत्ता खाने बुढो, बिहे गर्छु भन्छ
राम्रा केटी देख्यो भने, खुबै ठालु बन्छ
यसो हेर्छु चालढाल, अनि उस्को फुर्ति
एउटा सिंँढि उक्लिँदा नै, दश चोटी कन्छ ।

३
तरुनी भनेपछि मान्छे, किन हुरुक्क हुन्छन्
यसो तरुनीले हेरिदिँदा, कति सारो फुरुक्क हुन्छन्
तरुनीले छेउमै आई, बोलचाल गरिदिँदा त झन्
केश फुलेका बुढा पनि, जुरुक्क जुरुक्क हुन्छन् ।

४
केटी देख्दा दाँत झरेका बुढा पनि जिब्रो पड्काई दिन्छन्
यसो आखा जुध्यो भने आँखा पनि कड्काई दिन्छन्
होस गर है बुढा मान्छे, धेरै चुलबुल नगर नि
उस्तै केटी परी भने, चाउरे गाला पनि चड्काई दिन्छन् ।

काठमाडौं