के बिक्दैन यहाँ ?

के बिक्दैन यहाँ ?

सबै सबै बिक्छ यहाँ बाबु बिक्छन् आमा बिक्छिन् दाजु बिक्छ भाइ बिक्छ एक पटक गरिब बनेर हेर्नुस त हजुर ।

निर्मल पराजुली

निर्मल पराजुली :

डाक्टर साहब्
यो बिरामीको
यहाँ आफ्नो कोही छैन्
औषधोपचार गर्ने
पैसा पनि छैन
उहाँलाई के गर्ने ?
पैसा बेगर हामी
केही गर्न सक्दैनौँ
यहाँबाट हटाइदिनुस्

एउटा अधबैँसे
गाडीमा हुइकिँदै
पशुपतिको गेट
अगाडि ओर्लियो
सरासर अगाडि बढेर ।

असहाय अनाथहरूलाई
पैसा बाँड्न सुरु गर्‍यो
यसै बीच
त्यो भीडमा एउटा आवाज
गुन्जियो
छोरो
अस्पतालमा उपचार गर्न्
नसकेर फालिएको छ
बाबु
असहाय र अनाथलाई
पैसा बाँड्दै छ
हे
भोले नाथ !
यो कस्तो धर्म हो
यो कस्तो कर्म हो
सम्पन्नताले संस्कार दिन्छ
या
सस्कारले सम्पन्नता
आज रन भुल्लामा परेको छु
हातका औँला बराबर हुँदैनन्
जसको जति दक्षता छ
जसको जति क्षमता छ
उसले त्यति नै पाउने
होइन र ? ?
तर किन्
विभेद गरिन्छ
आफ्ना सन्तानप्रति
जेठोले सम्पतिको लोभमा
गाडीमा सयर गरायो
अनि दुई चार पैसा दियो भन्दैमा
कान्छो
छोरा होइन र ?
आमाको छातीको
एउटा पाटो
जेठोले चुसिरहँदा
अर्को पाटो
कान्छोको सम्झनामा
टन्किनु पर्ने होइन र ? ?
बाबुको
एउटा हात
जेठो छोराले समाइरहँदा
अर्को हातले
कान्छो छोरा
सम्झिनु पर्ने होइन र ??
हो पक्कै हो
तर यहाँ
ममता बिक्छ
कर्तव्य बिक्छ
स्वार्थका खातिर ।