नेपाली हास्यव्यङ्ग्य अनलाइन पत्रिका

१
सन्तानलाई अर्ति दिँदा, रित पुर्याउने मात्र नहोस्
उपदेशले बलत्कारी,आफ्नै घरको छात्र नहोस्
कुरौटे र पाटे अल्छी, नपरोस् है बुहारी नि
छोरा नाती नेताजस्तै, भातमारा पात्र नहोस् ।

२
आलो घाउको खाटो जस्तै, भयो जिन्दगी
पाक नपुग्या आँटो जस्तै, भयो जिन्दगी
भुइँको टिप्न निहुरिँदा, पोखियो पोल्टाको
दल भित्रको फाटो जस्तो, भयो जिन्दगी ।

३
राजा बाबुहरू फेरि, दशरथ बन्न सक्नुपर्छ
पत्नी छोरालाई वनवास, जाऊ भन्न सक्नुपर्छ
पुनः मुलुक एकपल्ट, बन्न सक्थ्यो रामराज्य
देशमा साच्चै नेता भए, बाँझो खन्न सक्नुपर्छ ।

४
घरज्वाइँ र एकदिन ससुराली जानेको, सासू फरक हुन्छ
मरेको सिनो र कसिलो जखमले खसी, मासु फरक हुन्छ
समयअनुसार हुने हो गुण भिन्न हुन्छ, एकै वस्तुमा पनि
नक्कली र सक्कली राष्ट्रवादमा बहने, आँसु फरक हुन्छ

कालिका- ६ चितवन