नेपाली हास्यव्यङ्ग्य अनलाइन पत्रिका

१)
को छ होला तगडा

काले, माले, लाले भ्रष्टाचारको अखडा
यही भ्रष्टाचार गर्न नपाई यिनको हुन्छ झगडा
कोही कम होला, कोही धेरै, त्यो पनि मौका नपाई
ल भन्नुस् त भ्रष्टाचार गर्न यिनमा को छ तगडा ?

२)
लुन्तुरे सरकार

यो पाली त क्यै गर्छ कि भन्यो लुन्तुरे सरकार आउँछ
विकासको मूल फुटाउँछ कि भन्यो तुन्तुरे सरकार आउँछ
गजबको कुरो त यहाँ के देखिन्छ भने
जसलाई विकाश गर्न हुटहुटी छ त्यसले मौका कहाँ पाउँछ ?

३.
नेताको विकासलाई

विकासको नीति यहाँ भन्दा भ्रष्टाचार गर्ने नीति बन्छ
पुल भन्दा पहिले यहाँ त्यो बजेट्ले नेताको घर बन्छ
दुई वर्षमा बन्ने बाटो दश वर्षमा पनि बन्दैन यहाँ
नेताको विकासलाई नै झोले देशको पो विकास भन्छ ।

०००
घट्टेकुलो, काठमाडौं