नेपाली हास्यव्यङ्ग्य अनलाइन पत्रिका

अमर सन्तति :

१.
ओठे जवाफ फर्काउने को हौ तिमी ?
विरोधी नारा चर्काउने को हौ तिमी ?
हामी जस्ता गणतान्त्रिक राजालाई –
चर्को स्वरमा थर्काउने को हौ तिमी ?

२.
आफ्नै घर आगो लगाउने घुर छ यहाँ
सानोलाई हजम बनाउने कुर छ यहाँ
सारा कुरा सकिने त पक्का भयो अब ,
आफैँलाई नै सकाउने भष्मासुर छ यहाँ ।

३.
जो व्यभिचारी र छुच्चो छ, उही सदाचारको कुरो गर्छ
जो परपीडक लुच्चो छ, उही असल व्यवहारको कुरो गर्छ
कस्तो रीति, परम्परा, कस्तो नियत र कस्तो चरित्र हो यो !
जो विवेकबिनाको बुच्चो छ, उही इमान्दारको कुरो गर्छ ।

०००
भक्तपुर