नेपाली हास्यव्यङ्ग्य अनलाइन पत्रिका

अमर सन्तति :

१.
कस्ता हुन् पात्र र हुन् कस्ता पात्रा !
कता जानु पर्ने, कताको हो यात्रा !
हाँसेका छन् सारा जन गाला च्याती ,
भएको छ राजनीति सधैँ गाई जात्रा ।

२.
काँडाभन्दा यति धेरै तिखालु किन ?
सर्पभन्दा यति धेरै बिखालु किन ?
प्राणीमध्येको विवेकशील मान्छे नै
सबैभन्दा यति धेरै इखालु किन ?

३.
कोही सोच्छन् ज्यान फलामी पाएजस्तो
एक्काइस तोपको सलामी खाएजस्तो
सोच्दैनन् आफूलाई चाहिन्छ मान्छे भोलि
आफू पनि अरुको मलामी आएजस्तो ।

०००
भक्तपुर