नेपाली हास्यव्यङ्ग्य अनलाइन पत्रिका

अमर सन्तति :

१.
देशको स्वाभिमान र साख रित्तियो
व्यवस्थाप्रतिको त्यो चाख रत्तियो
अकर्मण्य दम्भी शासकको कारण ,
आज केयौँ बाआमाको काख रित्तियो ।

२.
गर्छु केही भनी कम्मर कसी युवा लागेपछि
परिवर्तनको संवाहक देशले युवा मागेपछि
यो देशका धमिरालाई मास्नुपर्छ भनी अब ,
देशमा केही हुन्छ पक्कै नवयुवा जागेपछि ।

३.
झुक्याउछौ कतिञ्जेल भन, अनिश्चित त्यो भोलि देखाएर ?
गर्छौ कतिञ्जेल शासन, बन्दुकको गोली देखाएर ?
त्यसै सेलाउने छैन अब, बढेको यो जन आक्रोस,
तर्साउछौ कतिन्जेल जन, रगतको होली देखाएर ?

०००
भक्तपुर