नेपाली हास्यव्यङ्ग्य अनलाइन पत्रिका

अमर सन्तति :

१.
दिनहरू गन्दागन्दै जान्छ जिन्दगानी
तेरोमेरो भन्दाभन्दै जान्छ जिन्दगानी
हुँदै मान्छे विषालु र लिई तुजुक ठूलो
अहमवादी बन्दाबन्दै जान्छ जिन्दगानी ।

२.
सक्छौभने मायाको त्यो छाप आजै मेटी हेर
त्यो मनभित्र यो मन कहाँ छ खोजी भेटी हेर
कस्तो हुन्छ घाती चोट गर्न राम्रो अनुभव
एकचोटी बिन्ती आफ्नै मुटु झिकी रेटी हेर ।

३.
मेरो घर उज्यालो हुँदा उसको मुख कालो कुरुप किन ?
म आफ्नै बुद्धि विवेकले चल्दा उसको रौद्र रुप किन ?
आफैँ बनाउन सक्षम छु म मेरो घरबार चलाउने सरकार ,
बिनसित्ती यति साह्रो उसको त्यो औडाहा र दौडधूप किन ?

०००
भक्तपुर