नेपाली हास्यव्यङ्ग्य अनलाइन पत्रिका

देवीप्रसाद मिश्र :

बाल याैवनपलासित खेली ।
दुःख या सुखहरू सब झेली ।।
हुन्छ वृद्ध विधिले प्रतिसाल ।
वृद्धका सकसको गर ख्याल ॥१।।

वृद्ध बन्छ सँगकाे वय भाग्छ।
तर्कना हृदयमा अति जाग्छ ।।
बड्छ तथ्य नबुझे अबगाल ।
वृद्धका सकसको गर ख्याल ॥२।।

सिद्धियाे ,बलबुता जतिखेर ।
सम्झना छ वयकाे अज धेर ।।
नित्य ध्यान नदिए छ बिहाल ।
वृद्धका सकसको गर ख्याल ॥३।।

भार मान्छ जसले जनवृद्ध ।
बन्छ मानव कता र, प्रसिद्ध ?
पर्छ आदर गुमेपछि गाल ।
वृद्धका सकसको गर ख्याल ॥४।।

आजकाे युवक याे तर भाेलि।
बन्छ वृद्ध क्रमले श्रम घाेली।।
हड्छ आदर गरे अबगाल ।
वृद्धका सकसको गर ख्याल ॥५ ।।

छन् प्रबुद्ध पथमा जनवृद्ध ।
देवतुल्य दिलका अझ शुद्ध ।।
हुन्न साथ जसमा छल जाल।
वृद्धका सकसको गर ख्याल ॥६।।

०००
काठमाडाैं