नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौडेल :

नयाँ पुस्ता व्यवहारले बुढ्यौली मन पिर्‍यो
गहिरिदै मुटुभित्र नौलो व्यथा छिर्‍यो

भविष्यको भरोसाको टुट्यो समझदारी
जति सम्झ्यो उति मन हुन थाल्यो भारी

हातखुट्टा लागेपछि टाढा भए चित्र
उड्न थाले नयाँ पुस्ता स्वार्थमा विचित्र

पंक्षीले झैं जान थाले आफ्नो गुण छाडी
हुर्कुन्जेल मात्र रैछ जोडिएको नाडी

नयाँ बथान रहरमा समाहित भए
बाबुआमा मायाँमोह सुस्त भुल्दै गए

सन्तानको मायाँ रैछ एकतर्फी तालको
बुढ्यौलीमा एक्लोपन निम्त्याउने खालको ॥

०००
काठमाडौं