नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

हिजोसम्म सुन्थेँ कान
आज कमै सुन्छु,
तर पनि सुन्या जस्तै
बहानामा हुन्छु

हिजो दृष्टि ठिकै थियो
आज कमै देख्छु,
अक्षर तिरमिर गुड्दा पनि
भन्छु, “पढ्छु लेख्छु”

हिजो गोडा थाक्दैनथे
आज निकै थाक्छन्,
तर पनि नथाकेझैं
हिँड्न मन लाग्छन्

जवर्जस्ती डुलेको छु
क्यै नभा झैं आज,
कतै मलाई लाग्या हो कि
बुढ्यौलीको लाज ?

कमजोर शरीर बोकीबोकी
अझै हिँड्छु ढाँटी,
तन्नेरीको मुखुण्डोमा
ऊर्जा साट्न आँटी ।।

०००
काठमाडौं