नेपाली हास्यव्यङ्ग्य अनलाइन पत्रिका

डा. लाेकेन्द्रप्रसाद पाैड्याल :

नेता खोज्छन् जताततै
भव्य “ताली मान”
सोच्या सम्मान नपाएमा
गर्छन् “गाली दान”

खासै छैन उनको योगदान
विकासको काममा
जहिल्यै हुन्छन् जुहारी व्यस्त
गाली तथानाममा

लगाउँछन् योजनाका
कुरा लाखापाखा
निम्त्याउँछन् आर्थिक संकट
थप्दै ऋणका भाका

उम्काउँछन् व्यापारीलाई
करछली गर्न
वजारभाउ बढाउ भन्दै
पार्टी चन्दा भर्न

सकेसम्म आफै हुन्छन्
सुविधाको भोगी
बनाउँछन् महङ्गीले
जनतालाई जोगी

मतदाताले विचार गरुन्
आउँदो चुनाव भोट
राम्रो परुन् उम्मेद्वार
नलागेको खोट

जो देखिन्छ प्रतिवद्ध
तिनलाई राम्रो जानौं
सम्भावना बोक्नेलाई
मात्र भोटमा छानौँ ॥

०००
काठमाडाैं
गञ्जागाेल (२०८२)