डा. लोकेन्द्रप्रसाद पौड्यालघरज्वाइँ
अन्तरजातको सम्बन्धले झनै भाउ पायो आरक्षणको कोटा थाप्ने अवसर जुरायो श्रीमतीको इच्छा रह्यो समानुपातिक बन्न ससुराली भयो दङ्ग हाम्रो घरज्वाइँ भन्न ॥
डा. लाेकेन्द्रप्रसाद पाैड्याल :
डेरा खोज्दै गाउँबाट
राजधानीमा आका
चतुईको वाटो छोप्दै
अहिले नेता भाका
कहिले भए भूमिगत
कहिले खुल्ला भए
घरभाडा उधारोमा
“भोलि” भन्दै गए
कालान्तरमा तिनै मान्छे
पुगे ठूलो पदमा
हुँदाहुँदा घरबेटीको
छोरी माग्ने कदमा
पुगेपछि ओहदामा
पुराना गुन तिरे
नातागोता सालासाली
ठूला पदमा छिरे
अन्तरजातको सम्बन्धले
झनै भाउ पायो
आरक्षणको कोटा थाप्ने
अवसर जुरायो
श्रीमतीको इच्छा रह्यो
समानुपातिक बन्न
ससुराली भयो दङ्ग
हाम्रो घरज्वाइँ भन्न ॥
०००
काठमाडाैं
म तपाईको कविता रुचिका साथ पढ्ने पाठक हुँ ।
यो कविता कुनै खास राजनीतिक दलका केही नेतालाई ताकेर लेखिएको रहेछ । तर कविताले अलिक वृहत् स्तरमा अनावश्यक रूपमा च्वाँस्स घोच्ने रहेछ ।
Ho ta!