नेपाली हास्यव्यङ्ग्य अनलाइन पत्रिका

विश्वनाथ ढुङ्गेल :

छैन भेट उनको मेरो काका बा वुढो हुनु भो होला
बितेका दिन सम्झि सम्झि अबत रुनु पो भो होला ।
आफ्नै उमेर ढल्किसक्यो तै पनि लाग्दछ माया उनको
सन्चो बिसन्चो के छ खबर मेरा कान्छा बाबाको ।

आफूले आफैलाई हेर्दछु चाउरी परेका गाला
के गरि भुलु मैले आफ्नै छ चालामाला ।
सोच्दैछु म पनित आखिर भोलि तेहि चालाको
सञ्चो बिसञ्चो के छ खबर मेरा कान्छा बाबाको ।

काकाकै मायाले मलाई हेर तल्लिन बनाई दियो
मेरा घरजम सवै छहारी काकाबाट नै भयो ।
हुईंकाउथे गाडी र मोटर उमेर हुँदा उनको
सञ्चो बिसञ्चो के छ खबर मेरा कान्छा बाबाको ।

वुढा भए होलान् अब त बस्छन् के गरि होला
आउँछ कि भतिज भनेर मन चाहिँ पक्कै रोला ।
ढिँडो कराईमा पकाउँथे रोटी पाक्दथ्यो तावाको
सञ्चो बिसञ्चो के छ खबर मेरा कान्छा बाबाको ।

सक्दैनन् होला अब ता आँगन छ या फलैचा बार्दली
दुख भोग गरेका पहिले बस्छन होला मर्म लिई
रुन्छन् आँसु झर्छ होला अहिले सम्झेर त्यो कर्मको
सञ्चो बिसञ्चो के छ खबर मेरा कान्छा बाबाको ।

परदेशी भए नि काका भेट्न आउने छु म
तिम्रो मुहारको झझल्को बसि मेटाउछु म ।
खान्थे खुवाउँथे मिठो तरकारी त्यो गाबाको
सञ्चो बिसञ्चो के छ खबर मेरा कान्छा बाबाको ।

सम्झाई बुझाई गर्दथे मान्दैन थियौ पढ्नलाई
अघि सरिहाल्थे मेरा काका लौरी लि कुट्नलाई ।
भन्छस् तँलाई अझ पुगेन नगर कुरा हावाको
सञ्चो बिसञ्चो के छ खबर मेरा कान्छा बाबाको ।

अरुको डर थिएन कहिल्यै सातो उनले लिनेथे
माया गरि गरि बोलाई पापा पनि दिनेथे ।
सधैं भन्ने गर्दथे पढ् पढ् लाग्थो कुरा हावाको
सञ्चो बिसञ्चो के छ खबर मेरा कान्छा बाबाको ।

मानेनौ पढ पढ भन्दा वुद्धि विवेक भएन
सोच्ने शक्ति कमिले गर्दा त्यता ध्यानै गएन ।
कति सम्झाउथे दिलमा हुन्थ्यौं नि हामी सानाको
सञ्चो बिसञ्चो के छ खवर मेरा कान्छा बाबाको ।

०००
९८४१४६४४५७
संयोजक, जेष्ठ नागरिक समन्वय समिति
सूर्यविनायक, बालकोट