विदुर अधिकारीवृद्धचिन्तन
को होला त्यो सच्चा साथी आमा नै हुन् दिव्यपनाकी वृद्ध छँदा पनि उस्तै माया गर्छिन् सन्ततिसित यी आमा ।
विदुर अधिकारी :
जय जय बाबा, जय जय आमा
सन्तति निम्ति गर्छौ धामा
वृद्ध भए पनि आँट छ धेर
गर्छु नमन लौ नित्य नुहेर ।
(१)
अनुभवका हुन् अनुपम खानी
प्रहरहरूमा दिव्य बिहानी
हुन् यति जान्नू दाजु र भाइ
पालन गर्नू प्रीत जगाई ।
(२)
सन्ततिलाई पालन गर्दा
हन्डर खायौ सङ्कट पर्दा
सुत्थ्यौ आधा,खान्थ्यौ आधा
प्रिय जननी हौ,सबकी साझा ।
(३)
साथ हुँदैनन् जब प्रिय आमा
लाग्दछ झल्को नित्य पलामा
आमा बाबा हुन्नन् दुष्ट
हे! सन्तति हो, नबन न रुष्ट ।
(४)
को होला त्यो सच्चा साथी
आमा नै हुन् दिव्यपनाकी
वृद्ध छँदा पनि उस्तै माया
गर्छिन् सन्ततिसित यी आमा ।
(५)
०००
रामपुर, चितवन
